Actualidade
Novas e Axenda Bota un ollo á actividade do GEA

“Género – Contributos para uma Compreensão Efetiva das Mudanças”: Call for papers da Revista Lusófona de Estudos Culturais

12/01/2015

A Revista Lusófona de Estudos Culturais (RLEC) vén de abrir o prazo de envío de artigos para o seu seguinte número. A temática encádrase baixo o título “Género — Contributos para uma Compreensão Efetiva das Mudanças”, e busca profundar nos “significados e significancias culturais” dos cambios nas relacións de xénero nos últimos vinte anos. Para iso, convidan ao envío de artigos que “nunha lóxica inter ou transdisciplinar, concorran para unha discusión crítica sobre asuntos relacionados con xénero, poder, ideoloxía, imaxinario, identidade, subxectividade, discurso e representación, en diversos contextos políticos e socioculturais (…)”. Como referencia, explican que darán prioridade aos artigos que exploren os seguintes subtemas:

– Interseccionalidade (e.g. etnia, clase, sexualidade, xeración, idade, nacionalidade, relixión)
– Diáspora e migración transnacional
– Maternidade e escolla
– Envellecemento ou discriminación por idade
– Lecer e ocio
– Invisibilidade e hipervisibilidade
– Hibridez e fragmentación do suxeito feminino poscolonial
– Construción da fronteira humano-animal
– Corpos, sexualidades e desexos
– Corpo perfecto (im)perfecto
– Transformacións do corpo humano
– Espazo e espacialidade
– Lugar, experiencias de pertenza e sentido de comunidade
– Culturas do traballo
– Cultura visual e performance
– Cultura das celebridades
– Normalidade e desvio
– Poética e estética da alteridade
– Formación de xerarquias
– Procesos de empoderamento (ou capacitación) e de control

Os traballos poden enviarse ata o 16 de febreiro, cumprindo coas normas especificadas na web da revista. Acéptanse artigos en portugués e inglés, que serán sometidos a revisión por pares.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais