Actualidade
Novas e Axenda Bota un ollo á actividade do GEA

Filmes do Homem, o Festival Internacional de Documentário de Melgaço, abre o seu prazo de inscrición de propostas

05/01/2015

FILMES DO HOMEM, o Festival Internacional de Documentário de Melgaço, abriu o prazo de inscrición de propostas para a súa edición de 2015. O tema xeral son as migracións, como explican na súa páxina web: “Os filmes deben manifestar o punto de vista do autor sobre aspectos relacionados con cuestións sociais, individuais, culturais ou de identidade, provocadas polo cambio de país, rexión ou domicilio.”

Entre as películas inscritas seleccionarase a programación do Festival, que se completará con filmes convidados. Ademais, entre as presentadas escolleráse o Premio Jean Loup Passek. A data límite de inscrición é o 28 de febreiro, e o formulario pódese cubrir neste enlace. O regulamento está asimesmo dispoñible online. O Grupo de Estudos Audiovisuais é colaborador da iniciativa e Margarita Ledo Andión, coordinadora do Grupo, impartirá no marco de Filmes do Homem unha conferencia sobre Imaxe Documental. O evento terá lugar entre o 4 e o 9 de agosto de 2015.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais