Actualidade
Novas e Axenda Bota un ollo á actividade do GEA

Exposición Fernando Rey: Cabaleiro do cinema

09/10/2017

Con motivo do centenario do seu nacemento o 20 de setembro de 1917, o concello da Coruña rende homenaxe a un dos seus máis universais cidadáns, o actor Fernando Rey (Fernando Casado Campolongo), a través da exposición Fernando Rey. Cabaleiro do cinema (1917-2017) (Kiosko Alfonso, 20-9/19-11), baseada, en boa parte, nas fotografías, documentos, premios e recordos que el mesmo foi conservando ao longo da súa vida. A mostra, tras indagar por medio de imaxes e textos na infantil etapa herculina do futuro intérprete, analiza as diversas etapas e principais filmes da súa extensa carreira interpretativa.

Á vez, e no Centro Galego de Artes da Imaxe-Filmoteca de Galicia (rúa Durán Loriga 13, baixo), un extenso ciclo de películas permitirá (desde o 21 de setembro) revisar os seus títulos máis destacados, que atravesan medio século do mellor cine español e mundial.

Membro dunha familia da burguesía industrial coruñesa, fillo do destacado militar Fernando Casado Veiga, co que compartirá a trinchera republicana durante a Guerra Civil, o final da contenda cambiará a súa vida para sempre.

Actor case por necesidade, encarcelado o seu pai, despuntará como mozo galán no cine español dos anos 40 e 50, grazas ao seu elegante porte e á calidade extraordinaria da súa voz, en títulos de tanto éxito como Los últimos de Filipinas (A. Román, 1945) ou Locura de amor (J. de Orduña, 1948).

Republicano e progresista, vincularase cos movementos renovadores do cine español, colaborando con directores como Berlanga (é a voz narradora de ¡Bienvenido, Mister Marshall, 1952) ou Bardem (Cómicos, 1953; La venganza, 1957) e formará parte de UNINCI, decisiva productora disidente. Rodará con Buñuel catro títulos soados (Viridiana, 1961; Tristana, 1970; El discreto encanto de la burguesía, 1972; Ese oscuro objeto de deseo, 1977), modulando a súa personalidade de elegante e aristocrático hidalgo de escura complejidad psicolóxica, e o seu dominio do inglés e do francés permitiralle converterse nun prestixioso actor internacional, presente nos repartos de películas inesquecibles -como Campanadas a medianoche (O. Welles, 1966) ou The French Connection (W. Friedkin, 1971)- xunto ás máis famosas estrelas do cine mundial (de Paul Newman e Ingrid Bergman a Peter Ustinov, Alberto Sordi, Faye Dunaway ou Max Von Sydow)

Merecedor dos máis prestixiosos galardones dentro e fóra de España (como o obtido no Festival de Cannes de 1977 polo seu papel en Elisa vida mia, dirixida Carlos Saura, ou o Premio Goya por Diario de invierno [Francisco Regueiro, 1988]), falece en 1994 tras realizar na serie El Quijote, dirixida por Manuel Gutiérrez Aragón para RTVE, a postrera e magistral demostración do seu inmenso talento interpretativo.

MÁIS NOVAS
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
Preséntase os resultados do proxecto “Cara a unha gobernanza participativa do patrimonio cultural material e inmaterial na cidade de Santiago de Compostela”.
Trátase dunha iniciativa de Aprendizaxe-Servizo, na que o alumnado se converte en voluntario con capacidade para mellorar unha necesidade social da súa contorna
25/09/2018

Un podcast cultural sobre os cafés teatro de Compostela, un mapa sonoro da cidade, un percorrido fotográfico polos barrios ou pequenas pezas audiovisuais son algúns dos resultados do proxecto de innovación educativa ‘Cara a unha gobernanza participativa do patrimonio cultural material e inmaterial na cidade de Santiago de Compostela’ que este mércores se presentarán na […]

Seguir lendo
© 2018 Estudos Audiovisuais