Now available the monograph of L’Atalante linked to the Research Project on the Post-war Spanish Cinema
Acaba de ser editado o número 20 de L’Atalante. Revista de estudios cinematográficos, co título Heridas, pervivencias, transformaciones. Modelos de estilización en el cine posbélico español (1939-1962). Trátase dun número monográfico vinculado ao Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648. Mineco – Goberno de España), coordinado polo Investigador Principal José Luis Castro de Paz e o divulgador cinematográfico Santiago Barrachina Asensio, contando coa participación de gran parte dos investigadores que conforman o equipo de traballo do Proxecto.
Así pois, o Cuaderno da revista —cinco de cuxos sete artigos foron elaborados directamente dende o Proxecto— consiste nunha reflexión sobre a evolución de determinados modelos de estilización desenvolvidos no cinema español ao longo dos anos corenta e cincuenta do pasado século, con diversas aproximacións —de José Luis Castro de Paz, Fernando Gómez Beceiro, Héctor Paz Otero, Javier Moral Martín, Fernando Redondo Neira, Sonia García López, Iñigo Larrauri Garate, Susana Díaz e Manuel de la Fuente— que inciden nas transformacións fílmicas e históricas dese período do noso cinema, aínda tan deostado e mal coñecido coma fascinante e poboado de títulos de incontestable altura estética e cultural.
Ademais, o Diálogo do número recupera unha entrevista de José Luis Castro de Paz e Julio Pérez Perucha ao cineasta José Antonio Nieves Conde —figura clave no cinema da posguerra—, mentres que a sección (Des)encuentros incorpora unha discusión de cinco relevantes historiadores —Santos Zunzunegui, Juan Miguel Company, Alejandro Montiel, Jean Claude Seguin e Jenaro Talens— que supón un exercicio de necesaria actualización teórica e historiográfica deste transcendental período do cinema español.
L’Atalante. Revista de estudos cinematográficos é unha publicación semestral sen ánimo de lucro editada en Valencia coa colaboración de diversas universidades, e indexada en prestixiosos catálogos, directorios, sumarios e bases de datos de revistas de investigación e divulgación científica, figurando a nivel internacional en Arts and Humanities Citation Index® e en Current Arts and Humanities® de Thomson Reuters (Filadelfia, EUA), en Latindex (Sistema Rexional de Información en Liña para Revistas Científicas de América Latina, o Caribe, España e Portugal), en SCOPUS de Elsevier (Ámsterdam, Países Baixos) e en Library of Congress (Washington, EUA). En España consta na base de datos do CSIC de Revistas de Ciencias Sociais e Humanas ISOC, no portal bibliográfico de literatura científica hispana DIALNET e en REBIUN (Rede de Bibliotecas Universitarias).
O número Heridas, pervivencias, transformaciones. Modelos de estilización en el cine posbélico español (1939-1962) xa está dispoñible na súa versión dixital en castelán a través da páxina web da revista e proximamente publicarase tamén en lingua inglesa, contando así mesmo cunha edición impresa que estará dispoñible a partir de setembro.
The Carnation Revolution, the military uprising of 25 April 1974 in Portugal, known in Portuguese as the Revolução dos Cravos, brought down in one day the dictatorial political regime that had existed in the neighbouring country since 1926. The five days that make up the programme of the conference commemorating the 50th anniversary of this […]
In 2024 AGAPI celebrates its 30th anniversary and one of the actions it is going to carry out is the celebration of itinerant training sessions in the three Galician universities in the faculties of Information Sciences within the Audiovisual Communication Degree at the University of Santiago de Compostela (USC), University of Vigo (UVigo) and University […]
The conference Cloudclass: Innovative teaching with virtual studio technology took place on 8 March 2024 at the Open Universiteit (Heerlen). Educators, technical experts and students gathered to delve into the field of immersive technology and its applications in education. The event, which marked the culmination of the CloudClass: Low Cost, Mobile, Cloud &Template Based Augmented Reality […]