Actualidade
Novas e Axenda Bota un ollo á actividade do GEA

Efectuadas as primeiras reunións de coordinación entre os membros das diferentes universidades implicadas no Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez”

09/05/2013

A comezos do presente ano iniciaba a súa andaina o Proxecto de Investigación “Cara unha reconsideración da cultura posbélica: análise dos modos de representación no cinema español (1939-1962) a partir da pegada de Wenceslao Fernández Flórez” cuns primeiros traballos dedicados fundamentalmente ó deseño e revisión do marco teórico, abastecemento e estruturación do material que constitúe o obxecto de estudo, e asignación de tarefas concretas ós diferentes membros do equipo. Tendo en conta a abundancia de entidades implicadas no proxecto, durante o pasado mes de abril o Investigador Principal realizou diversas viaxes ás universidades distribuídas pola xeografía peninsular (País Vasco, Comunidade Valenciana e Madrid) para coordinar o labor dos investigadores pertencentes ás devanditas institucións. Deste xeito, sentáronse as bases para unha permanente comunicación entre os integrantes do equipo de traballo, sustentada en plataformas de internet que permitan o intercambio de información, así como futuras reunións co obxecto de supervisar o traballo realizado e organizar as posteriores etapas da investigación.

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais