Actualidade
Novas e Axenda Bota un ollo á actividade do GEA

Canal Campus participa no festival Galician Connection

19/02/2014

O equipo de Canal Campus_lab intervén na Xornada Educa do festival Galician Connection. Xaime Fandiño, profesor da USC e membro do Grupo de Estudos Audiovisuais, compartirá cos asistentes as iniciativas que este equipo de investigadores especializados en música popular están a desenvolver no ámbito universitario coa fin de estimular a creatividade sonora e visual, potenciar a capacidade de emprendemento cultural dos estudantes, e fortalecer a transferencia de coñecemento e innovación coa industria cultural galega. Entre elas cómpre destacar o programa Doc&Roll, que combina a proxección de documentais coa organización de concertos nos campus de Santiago, e a rede ONU (Outside Network University), que ofrece un espazo de comunicación e conexión para estudantes foráneos a través da música.
O encontro terá lugar o 4 de abril ás 17:30 hora na Cidade da Cultura.

CONTACTO
web: www.canalcampus.es
mail: info@canalcampus.es
Facultade de Ciencias da Comunicación
Campus Norte

gconnect014_educa

MÁIS NOVAS
Arranca o Seminario Permanente CO(M)XÉNERO na USC
07/11/2018

O luns 12 de novembro a Facultade de Ciencias da Comunicación da Universidade de Santiago de Compostela acollerá a primeira sesión do CO(M)XÉNERO, o Seminario Permanente de Comunicación e Xénero que organiza o Grupo de Estudos Audiovisuais (GEA) . Dirixido por Margarita Ledo Andión, Catedrática de Ciencias de Comunicación e Publicidade da USC e coordinadora […]

Seguir lendo
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
© 2018 Estudos Audiovisuais