Actualidade
Novas e Axenda Bota un ollo á actividade do GEA

Alumnos de Cultura Audiovisual Contemporánea e Cinema de Autor viaxan ao festival de cinema Olhares Frontais

04/05/2018

Os alumnos de 3º curso do Grao en Comunicación Audiovisual das materias Cinema de Autor e Cultura Audiovisual Contemporánea, impartidas polas profesoras Margarita Ledo Andión e Marta Pérez Pereiro, viaxan ao festival de cinema Olhares Frontais. O encontro, organizado pola Associaçao Ao Norte e pola Cámara Municipal de Viana do Castelo, é unha experiencia única que busca o debate entre estudantes e profesionais de Portugal e Galiza.

Entre a programación desta edición destacan as diferentes actividades formativas organizadas e a proxección do filme galego Jet Lag, de Eloy Domínguez Serén, que pechará a programación da edición 2018 do festival.

Toda a programación do festival pódese consultar aquí.

MÁIS NOVAS
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
Preséntase os resultados do proxecto “Cara a unha gobernanza participativa do patrimonio cultural material e inmaterial na cidade de Santiago de Compostela”.
Trátase dunha iniciativa de Aprendizaxe-Servizo, na que o alumnado se converte en voluntario con capacidade para mellorar unha necesidade social da súa contorna
25/09/2018

Un podcast cultural sobre os cafés teatro de Compostela, un mapa sonoro da cidade, un percorrido fotográfico polos barrios ou pequenas pezas audiovisuais son algúns dos resultados do proxecto de innovación educativa ‘Cara a unha gobernanza participativa do patrimonio cultural material e inmaterial na cidade de Santiago de Compostela’ que este mércores se presentarán na […]

Seguir lendo
© 2018 Estudos Audiovisuais