Actualidade
Novas e Axenda Bota un ollo á actividade do GEA

Aberto o prazo de presentación de filmes á Mostra de Cine Etnográfico do Museo do Pobo Galego

14/03/2016

O Museo do Pobo Galego abre o prazo para a presentación de obras á XI Mostra de Cine Etnográfico.
Requirimentos de participación:
Para concorrer a esta Mostra, as obras presentadas deberán ter sido producidas con posterioridade ao 1 de xaneiro de 2014.
A duración dos traballos presentados non poderá exceder os 90 minutos.
Os e as autoras e as produtoras poderán presentar un máximo de dúas obras.
As producións realizadas en Galicia deberán estar en lingua galega ou, no seu defecto, subtituladas neste idioma.
As realizadas fóra de Galicia poderán estar en calquera
idioma sempre que inclúan subtítulos en galego ou castelán.
Criterios de selección:
Serán valorados como criterios de relevancia a importancia das cuestións sociais abordadas, a calidade técnica e o sentido estético, a innovación tanto no temático
como na maneira de comunicalo, e a relevancia científica.
Premios:
O Premio á mellor película etnográfica consistirá en 900 euros.
O premio á mellor produción galega ou referida a Galicia consistirá en 600 euros.
O premio do público consistirá nun diploma e trofeo acreditativo.
Peche do prazo: 7 de abril de 2016
Máis información na web do Museo
Bases completas aquí

MÁIS NOVAS
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
Preséntase os resultados do proxecto “Cara a unha gobernanza participativa do patrimonio cultural material e inmaterial na cidade de Santiago de Compostela”.
Trátase dunha iniciativa de Aprendizaxe-Servizo, na que o alumnado se converte en voluntario con capacidade para mellorar unha necesidade social da súa contorna
25/09/2018

Un podcast cultural sobre os cafés teatro de Compostela, un mapa sonoro da cidade, un percorrido fotográfico polos barrios ou pequenas pezas audiovisuais son algúns dos resultados do proxecto de innovación educativa ‘Cara a unha gobernanza participativa do patrimonio cultural material e inmaterial na cidade de Santiago de Compostela’ que este mércores se presentarán na […]

Seguir lendo
© 2018 Estudos Audiovisuais