Actualidade
Novas e Axenda Bota un ollo á actividade do GEA

A Universidade de Cambridge acollerá este sábado unha conferencia de José Luis Castro de Paz, dentro do XVI CILEC

11/06/2015

Por terceiro ano consecutivo, o Proxecto de Investigación Cara unha reconsideración da cultura posbélica: análise dos modos de representación no cinema español (1939-1962) a partir da impronta de Wenceslao Fernández Flórez (CSO2012-34648, Plan Nacional de I+D+i 2013-2015, Mineco – Goberno de España) estará presente no Congreso Internacional de Literatura Española Contemporánea, que nesta edición será celebrado nas universidades de Cambridge, Complutense de Madrid e A Coruña durante os vindeiros sete días, co lema A diversidade na literatura, o cine e a prensa española.
O evento comezará o sábado día 13 na súa sede británica nunha xornada que culminará ás 18:15 coa conferencia de José Luis Castro de Paz Homenaxe a Wenceslao Fernández Flórez: Historias de cine onde o Investigador Principal do Proxecto abordará as intensas relacións entre a literatura do escritor coruñés e o cinema español.
Ademais, outros dous membros do plan de traballo do Proxecto participarán tamén no programa de sesións científicas cunha comunicación sobre a película La manigua sin dios (Arturo Ruiz-Castillo, 1947), que será presentada o venres 19, xusto antes da conclusión do Congreso na Universidade da Coruña.

MÁIS NOVAS
As tecnoloxías da lingua, unha oportunidade para a sociedade galega
Xornadas do CDG
16/10/2018

O Consello da Cultura Galega organiza estas xornadas que exploran as aplicacións tecnolóxicas relacionadas coa lingua para analizar a presenza do galego na contorna dixital. Nelas participa Pablo Romero Fresco, un dos investigadores do proxecto EUVOS. Patrimonio Cultural Inmaterial. Para un programa europeo de subtitulado en linguas non hexemónicas (AEI, ref. CSO2016-76014-R), á súa vez director […]

Seguir lendo
Margarita Ledo, Xaime Fandiño e Brais Romero participan nas “Mesas interxeracionais do audiovisual galego” en Curtocircuíto
Do 4 ao 5 de outubro en Santiago de Compostela
28/09/2018

Tres integrantes do Grupo de Estudos Audiovisuais tomarán parte nas Mesas interxeracionais do audiovisual galego: xornadas construtivas para destruír tópicos, mitos e prexuízos do noso sector’, un conxunto de relatorios e debates que este ano ofrece o XV Festival Internacional de Cine- Curtocircuíto para atopar puntos en común entre os diferentes profesionais e os seus xeitos […]

Seguir lendo
Preséntase os resultados do proxecto “Cara a unha gobernanza participativa do patrimonio cultural material e inmaterial na cidade de Santiago de Compostela”.
Trátase dunha iniciativa de Aprendizaxe-Servizo, na que o alumnado se converte en voluntario con capacidade para mellorar unha necesidade social da súa contorna
25/09/2018

Un podcast cultural sobre os cafés teatro de Compostela, un mapa sonoro da cidade, un percorrido fotográfico polos barrios ou pequenas pezas audiovisuais son algúns dos resultados do proxecto de innovación educativa ‘Cara a unha gobernanza participativa do patrimonio cultural material e inmaterial na cidade de Santiago de Compostela’ que este mércores se presentarán na […]

Seguir lendo
© 2018 Estudos Audiovisuais